ರಾಹುವಿನ ಪ್ರಭಾವ 6ನೇ ಮನೆಯಲ್ಲಿ

ರಾಹು 6ನೇ ಮನೆಯಲ್ಲಿ ಇದ್ದಾಗ ಉದ್ಯೋಗಸಂಬಂಧಿಸಿದ ಪ್ರಭಾವವನ್ನು ತೋರಿಸುತ್ತಾನೆ. ಅಂತಹ ವ್ಯಕ್ತಿಗಳು ಉದ್ಯೋಗವನ್ನು 2-3 ಅಥವಾ ಹೆಚ್ಚು ಬಾರಿ ಬದಲಾಯಿಸುತ್ತಾರೆ. ಇವರಿಗೆ ಉದ್ಯೋಗದಲ್ಲಿ ತೃಪ್ತಿ ಇರುವುದಿಲ್ಲ. ಇವರು ಸರ್ಕಾರದಿಂದ ದಂಡ ವಿಧಿಸಲ್ಪಟ್ಟಿರುತ್ತಾರೆ ಮತ್ತು ಉದ್ಯೋಗ ಸಂಬಂದಿ ಕೋರ್ಟಿಗೆ ಅಲೆದಾಡುತ್ತಾರೆ. ಇವರು ಉದ್ಯೋಗದಲ್ಲಿ ತಮ್ಮ ಔಪಚಾರಿಕ ವಿದ್ಯೆಯನ್ನು ಉಪಯೋಗಿಸುವುದಿಲ್ಲ. ಅಂದರೆ ಇವರು ಉದ್ಯೋಗದಲ್ಲಿ ಔಪಚಾರಿಕ ವಿದ್ಯೆಯನ್ನು ಉಪಯೋಗಿಸದಿದ್ದರೆ ಯಶಸ್ಸು ಸಾಧಿಸುತ್ತಾರೆ. ಇಂತಹ ವ್ಯಕ್ತಿಗಳು ತಮಗೆ ಆಸಕ್ತಿ ಇರುವ ಉದ್ಯೋಗವನ್ನೇ ಆಯ್ಕೆ ಮಾಡಬೇಕು ಆಗಲೇ ಯಶಸ್ಸು ಸಾಧಿಸುತ್ತಾರೆ.

ವೈದ್ಯಕೀಯ ಜ್ಯೋತಿಷ್ಯ

ಯಾರಿಗಾದರೂ ರಾಹು 6ನೇ ಮನೆಯಲ್ಲಿದ್ದರೆ ಅವರಿಗೆ ಮಾನಸಿಕ ಅಥವಾ ದೈಹಿಕ ಸಮಸ್ಯೆಗಳಿರುತ್ತವೆ ಮತ್ತು ಆಗಾಗ ಒಂದಕ್ಕಿಂತ ಹೆಚ್ಚು ವೈದ್ಯರಿಂದ ತಪಾಸಣೆಗೊಳಗಾಗುತ್ತಾರೆ. ಏಕೆಂದರೆ ಒಬ್ಬ ವೈದ್ಯರು ಮೊದಲ ಬೇಟಿಯಲ್ಲಿ ಅವರ ಸಮಸ್ಯೆಯನ್ನು ಸರಿಯಾಗಿ ತಿಳಿಯಲು ಅಸಮರ್ಥರಾಗಿರುತ್ತಾರೆ ಮತ್ತು ಅಸಮರ್ಪಕ ಚಿಕಿತ್ಸೆಯ ಸಾಧ್ಯತೆಗಳಿವೆ. ಹೀಗಾಗಿ ಆ ವ್ಯಕ್ತಿಯು ಚಿಕಿತ್ಸೆ ಪಡೆಯುವ ಮೊದಲು ಇನ್ನೊಂದು ವೈದ್ಯರ ಸಲಹೆ ಪಡೆಯುವ ಅಗತ್ಯವಿದೆ ಮತ್ತು ಚಿಕಿತ್ಸೆಯು ವರ್ಷಗಳ ವರೆಗೆ ಮುಂದುವರಿಯಬಹುದು. ಅವರು ತಮ್ಮ ಔಷದಿಯ ಅಂತಿಮ ದಿನಾಂಕವನ್ನು ದೃಡಪಡಿಸಿಕೊಳ್ಳಬೇಕು. ಪ್ರಯೋಗಾಲಯದಲ್ಲಿ ಪರೀಕ್ಷೆ ಮತ್ತು ಎಕ್ಸರೇ ಪರೀಕ್ಷೆ ಸಮಯದಲ್ಲಿ ತಮ್ಮ ಹೆಸರನ್ನು ಸರಿಯಾಗಿ ಪರಿಶೀಲಿಸಬೇಕು.

ತಮ್ಮ ಜಾತಕವನ್ನು ಪರಿಶೀಲಿಸಿ ಅದರಲ್ಲಿ ರಾಹು 6ನೇ ಮನೆಯಲ್ಲಿದ್ದರೆ ವಿಶೇಷ ಕಾಳಜಿವಹಿಸಬೇಕು. ನಿಮ್ಮ ಒಂದು ಕಾಳಜಿಯಿಂದ ನಿಮ್ಮ ಅಮೂಲ್ಯವಾದ ಜೀವನವನ್ನು, ಸಮಯವನ್ನು ಮತ್ತು ಹಣವನ್ನು ಉಳಿಸಬಹುದು.

- ಎಸ್ ಶರ್ಮ ವಶಿಷ್ಠ