ಮಗಳ ಮತ್ತು ಸಹೋದರಿಯರ ವೈವಾಹಿಕ ಸಮಸ್ಯೆಗಳಿಗೆ ಪರಿಹಾರಗಳು

ನಾವು ನೋಡಿರುವಂತೆ ಪೋಷಕರು ಮಗಳ ಮದುವೆ ನಿಶ್ಚಯಿಸಿದ ನಂತರ ಹಣದ ಸಮಸ್ಯೆ, ಮಗಳ ಮತ್ತು ಭಾವಿ ಪತಿಯ ಮಧ್ಯೆ ಹೊಂದಾಣಿಕೆಯ ಕೊರತೆ, ಕೆಲಸ/ವ್ಯವಹಾರಗಳಲ್ಲಿ ತೊಂದರೆ ಮತ್ತು ಕುಟುಂಬದ ಸದಸ್ಯರ ಆರೋಗ್ಯದಲ್ಲಿ ತೊಂದರೆ ಮುಂತಾದ ಸಮಸ್ಯೆಗಳು ಸಾಮಾನ್ಯವಾಗಿ ಬರುತ್ತವೆ. ಇವುಗಳಿಗೆ ಸುಲಭ ಪರಿಹಾರ ಹೀಗಿದೆ.

ಮದುವೆ ನಿಶ್ಚಯವಾದ ನಂತರ ಪಾಲಕರು ಈ ಪರಿಹಾರಗಳನ್ನು ಮಾಡಬೇಕು.

·         ಪಾಲಕರು ಗೋಶಾಲೆಗೆ ಸ್ವಲ್ಪ ಹಣವನ್ನು ದಾನವಾಗಿ ನೀಡಬೇಕು.

·         9 ವರ್ಷದೊಳಗಿನ ಹುಡುಗಿಯರಿಗೆ(ಕನ್ನಿಕ ದೇವಿ) ಪಾಲಕರು ಸ್ವಲ್ಪ ಹಣವನ್ನು ದಾನವಾಗಿ ನೀಡಬೇಕು.

·         ಮದುವೆ ನಿಶ್ಚಯವಾದ ಹುಡುಗಿಯು ಬೆಳಗ್ಗಿನ ಹೊತ್ತು ಅರಶಿನಹುಡಿ ಬೆರೆಸಿದ ಹಾಲನ್ನು ಕುಡಿಯಬೇಕು.

·         ಮದುವೆಯನ್ನು ದೇವಸ್ಥಾನಗಳಲ್ಲಿ ಮಾಡಬೇಕು, ಛತ್ರಗಳಲ್ಲಿ ರಿಸೆಪ್ಶನ್ ಮಾಡಬೇಕು. ಇದರಿಂದ ಗ್ರಹಗಳ ಕೆಟ್ಟ ಪರಿಣಾಮ ನಿವಾರಣೆಯಾಗುತ್ತದೆ. ಸಾಮಾನ್ಯವಾಗಿ ಹಿಂದೂಗಳು ಈ ನಿಯಮವನ್ನು ಪಾಲಿಸುವುದಿಲ್ಲ, ಆದರೆ ಸಿಖ್ ಜನರು ಅವರ ಮದುವೆಯನ್ನು ಕಡ್ಡಾಯವಾಗಿ ಗುರುದ್ವಾರಗಳಲ್ಲಿ ಮಾಡುತ್ತಾರೆ, ನಂತರ ಛತ್ರಗಳಲ್ಲಿ ಭೋಜನ ಮಾಡುತ್ತಾರೆ. ಇದು ಸುಲಭ ಮತ್ತು ಪರಿಣಾಮಕಾರಿ ಪರಿಹಾರ.

·         ಹುಡುಗಿಯು ನೀಲಿ ಮತ್ತು ಬೂದು ಬಣ್ಣದ ಬಟ್ಟೆಗಳನ್ನು ಧರಿಸಬಾರದು.

·         ಹುಡುಗಿಯು ತೆಂಗಿನಕಾಯಿಯನ್ನು ತಿನ್ನಬಾರದು ಆದರೆ ಯಳನೀರನ್ನು ಕುಡಿಯಬಹುದು.

- ಎಸ್ ಶರ್ಮ ವಶಿಷ್ಠ